Te Rori o Titirangi

Titirangi Cycle and Walkway (Queen's Drive-Titirangi Drive)

He whakaahua ata a-hapori, nui ana ngā hītori e pā ana ki Titirangi. Ka whakahua ana ngā tāngata o Ngāti Oneone i ō rātou pepeha, ko Titirangi te maunga. Ko Ngāti Oneone ngā kaitiaki o taua maunga, te whenua rāhui.

Mai i te taenga mai o te Māori i runga i te waka Takitimu, ka tapaina te maunga ko Titirangi nā te rite ki ngā maunga i mahue atu i te kāinga i tawhiti. I noho kāinga a Titirangi ki ngā reanga i haere mai i ngā waka i tau mai ki te akau i raro iho. Nā te momo hanga o te maunga, ka taea te kaupare ngā ope taua whakaeke. He pai hoki te whenua huri noa hei whakatipu kai.

E mōhiotia ana ko “Kaiti Hill” ara nā te tū ki te moka taone o Kaiti.

He tata te whenua rāhui ki te taunga tuatahitanga mai o te Pākehā ki Aotearoa. Ka kitea ngā pānuitanga o ngā hītori i Puhi Kai Iti , Te Taunga o Kuki (Cooks Landing Site National Historic Reserve) i waenga i Titirangi me te wāpu. He whakamaumaharatanga tēnei ki te taunga tuatahitanga mai o James Cook i te marama o Oketopa, 1769 i runga i te waka HMS Endeavor, me te whakamaumaharatanga ki ngā waka Horouta me Ikaroa a-Rauru, ngā waka i mau mai i ngā Māori ki tēnei rohe.

Ko Te Poho o Rāwiri te manawa o te hapū o Ngāti Oneone. Kei te pūtake o Titirangi ko te wharenui e mōhiotia ana puta noa i Aotearoa ko te wharenui nunui o te motu i whakatuwheratia i te tau 1930. I tuku koha ngā iwi, ngā hapū katoa puta noa i te rohe o Te Tairāwhiti ki te wharenui, te tuatoru ki te rohe o Tūranganui ki te mau i te ingoa. Ko te tuatahi nā Hirini Te Kani i hanga i te matenga o tana pāpā a Te Eke Tū o Te Rangi i te tau 1852. Ko ia hoki tētahi i haina i Te Tiriti o Waitangi. I hangaia ki te wāpu tata ki te awa o Tūranganui. I te huringa hei karaitiana i muri o te hainatanga i te Tiriti o Waitangi, ka huri hoki te ingoa o Te Eke ki te ingoa karaitiana arā ki a David, Rāwiri, arā te ingoa o te marae.  

I te tau 1880 kāre i nōhia te whare. I hangaia te whare tuarua  i te tau 1890  ki te whenua i te tiriti o Hirini ki tua mai i te urupā tae noa ki te wā i hiahiatia te whenua hei whakawhānui atu i te wāpu i te tau 1920. I tangohia te whenua i raro i ngā Ture Mahi mo Te Katoa (Public Works Act) hei karinga mo te wāpu ka whakataungia kia hangaia te marae ki te wāhi e tū nei i nāianei.

I hangaia te wharekai, Te Poho o Hine i Tuhia ka whakatuwheratia i te tau 1929, katahi ka whakatuwheratia te wharenui i te tau 1930, me te whare karakia, Toko Toru Tapu i te tau 1935. Ko ētahi o ngā whakairo o ngā whare o mua kei Te Whare Taonga o Te Tairāwhiti.

Ko Te Poho o Rāwiri tētahi o ngā marae i hangaia e Te Ture o Te Paremata. Koinei hoki te whare tuatahi I hangaia he maitai te tāhūhū. He tino whakahirahira ngā whakairo o roto, a, he atamira, i taua wā, e ai ki, he wāwāhi tikanga. He whakairo kōpari i te atamira, he kōruru kei te tihi, te āhua nei he wharenui kei roto i te wharenui. I tāreia ngā whakairo i Te Kura Whakairo i Rotorua. Ko te tekoteko kei te tihi o ngā maihi, ko te āhua o te tangata e tūturi ana i tōna pona matau, ko tana ringa matau te hiki ki te rangi, ko te tipuna o Ngāti Oneone, ko Rāwiri Te Eke Tū o Te Rangi.

I te tau 2016 ka whakahoutia anō, ka whakatūria he wharekai hou. Tata ki te kotahi mano tangata ka uru atu ki taua wharekai.