Te Āhuatanga
HillyTe Tawhiti
VariousTe Hīkoi
VariousMany trails, some with steps or steep sections.
He maha ngā ara kei Titirangi, ko ētahi he ururua i te rumakitanga o ngā rākau taketake.
Ko te ara tino whakamahia e whakaaturia kaha ana i te mapi. Ka taea te hikoi mai i Puhi Kai Iti/Te Taunga o Kuki Rāhui a-motu ki te marae ātea/papa hokohoko, katahi ki te ara puihi hāngai ki Queens Drive ki te tirohanga taumata, ka tiro iho ki Tūranganui. He ara whakapakari tinana hoki tēnei. Ko te hekenga mai ka whai i te ara o Te Pakanga Tuarua o te Ao Tāngata Toi Whenua katahi ka tūhono atu ki te rori o Crawford mā te ara o Ranfurly ka tūtaki anō ki te rori o Rakaiatāne.
Ko te ātaahuatanga, pai ki te mōhio ko ēnei e whai ake nei:
· He ara i whakatutukihia e Eastland Port mai i Puhi Kai Iti ki te akau o Kaiti mā te pūtake o te hiwi.
· He ara ki te whakairo o Te Maro.
· He ara ki te wāhi patu miiti-Te Pakanga Tuatahi o Te Ao.
· He maha ngā ara ka wehe mai i te ara matua mai i Puhi Kai Iti ki te tirohanga atu i marae ātea/papa hokohoko me te tirohanga atu ki Eastland Port me ngā papa tākaro kāre i tawhiti kei runga ake i Te Marae o Te Poho o Rāwiri.
He tohu rongonui a Maunga Titirangi, he maunga, he wāhi whenua rangahau ōna mata, he maunga kōrero, he maunga takahia e te manomano whai oranga tinana, ahurea hoki. Ko te teiteitanga 140m i runga ake i te moana, e whakaatu ana ki ngā manuhiri i ōna ātaahuatanga me te tiro iho ki te taone o Tūranganui a-Kiwa, ngā moka taone, te wāpu, te akau, ngā awa, ngā papatahi whenua mōmona o Tūranganui me ngā whanga kāre noa i tawhiti atu i te wāpu.
Ki te raki ko Te Kūrae o Māhia, ki te rāwhiti he moana anake.
E mōhiotia ana ko Kaiti Hill, te maunga nō mai rā nō a Titirangi, ko te nōhanga o ngā tīpunarangatira o ngā hapū arā, a Ngāti Oneone. Ko te kāinga noho o te hapū o Ngāti Oneone ko te marae o Te Poho o Rāwiri i whakatuwheratia i te tau 1930 kei te pūtake o maunga Titirangi, e ai ki te marae, te whare whakairo tino nunui rawa, o Aotearoa. Nā ngā iwi, hapū o te rohe te whakapau kaha ki te kohi pūtea ki te wharenui, te tuatoru e mau ana te ingoa tata ki te wāpu.
Trail fly-through
Te Hītori o Te Ara
He whenua rangahau ōna mata, me ōna āhuatanga ahurea, arā 14 ngā rekoata o ngā wāhi karinga. He maha atu tēra i kāre i rekoatatia o aua karinga. He kaipupuri hoki i ngā hītori, i ngā wāhi e pā ana ki ngā tāngata rongonui, ki ngā mahi i mahia i taua wā e pā ana ki ngā hītori o Tūranganui.
I whakakākahuatia te maunga ki ngā rākau taketake i te tau 1990, te mihi nui ki ngā kaimahi kore utu me ngā roopu Tamariki me ētahi atu roopu.
Ko Te Kaunihera o Tūranganui te kaingakingaki i ngā tarutaru me ngā paina ka rūmakitia atu he rākau taketake. E mahitahi ana ki te hapū o Ngāti Oneone mai i te tau 2018, i tīmatahia e te kaunihera te Kaupapa Whāia Titirangi hei āwhina atu ki te whakakākahu i te maunga . I whai pānga tēnei kaupapa ki te marae, arā ngā kaitiaki o te maunga, nā rātou te tino kaha ki te rumaki rākau tata neke atu i te 70,000 rākau taketake ki te maunga. Kei te haere tonu ngā mahi patu kīrearea, tarutaru hoki.