Mai i Tatapouri ki te Akau o Wainui

Tatapouri to Wainui Beach

He ara arutahi, me āta whakarite he tikanga; he pai ake me hikoi a-roopu, ka taea te waiho waka ki te tonga o te akau o Wainui ki te ara o Lloyd George i mua i te taraiwatanga ki Tātāpouri ki te tīmata i te hīkoi. He kupu whakatūpato; me tīmata atu i Tātāpouri i waenganui o te tai timu. Kia tūpato. He māniania ngā kōhatu porowhita. Tēra pea ka kite koe i ngā kekeno o Aotearoa i ngā wai, i ngā toka huri noa i te Kūrae o Tātāpouri. He kawau, he tuturiwhatu, he karoro, he taraiti. Tēra kei te kii te tai, kei raro wai tonu te nuinga o te papatahi. Ko ngā whakairo takawiriwiri kei ngā toka i hangaia e te wai i te wā e ngohengohe tonu ana. Tēra hoki ngā momo āhua whakairo i tāreia e te moana kei ngā papatahi o te akau tata ki te momo o ēnei wā. 

Ki te tonga o Te Akau o Makorori, titiro mo te ara whāiti o ngā kaieke ngaru ki te tūnga waka tata ki te Kūrae o Makorori. He maha ngā mahi tāpiri toka papatahi hei ara piki, kia kore ai te ara e māniania. Āta hikoi i tēnei wāhanga poto o te Ara Matua 35, te rori o Whangarā i waenga I te tūnga motuka o ngā kaieke ngaru me te ara kuhuna atu ki Te Kūrae o Makorori. Peipei ana te piki ki te Kūrae o Makorori, ki te tirohanga, ka titiro ki te akau, ngā wāhi i hīkoia, me ngā wāhi hei hikoi. He ara kōkau kei ngā tāhuna o te Akau o Okitū, tiakina e te hapori o Okitū. Whai haere i tēnei ara, hikoi rānei i te akau. Ka haere tonu i tēnei ara i Te Akau o Wainui ki te tonga o Ngā Paina i Te Karapu Kauhauora o Wainui, ahakoa rā kia maroke tonu ō waewae. Mēna i te ua, e peka mā te Piriti o Te Awa o Hamanatua, Te Ara Matua 35.