Te Āhuatanga
EasyTe Tawhiti
6 km (return)Te Hīkoi
2 - 3 hours (return)
Whiriwhiria he wā hikoi, arā, ka taea te hikoi te akau ki te timu te tai. Me hikoi i te wā pari haere te tai kia kore ai e pōrearea i ngā manu noho kōhanga tae noa ki White Rock me te Kūrae o Kahutara (Table Cape). E 3 kiromita tēnei hikoi.
Ka tūtaki ngā whenua Māori ki tēnei akau. He ara pāmu engari āhua kore nei ēnei whenua e whakaaetia ana hei ara hikoi. He maha ngā urupā tata ki te rori o Nukutaurua.
He whānui te tūāpapa o te akau ka timu ana te tai, ka kitea te ātaahuatanga o ngā tūmomo āhua o ngā papa hōanga.
Ka pari ana te tai, ko te akau taha pāmu, kei runga ake i te tūāpapa ka taea te whakahaere waka. Ka kitea ngā whānau o te rohe e eke motupaika ana, e taraiwa taraka ana, e ruku koura ana, e ruku kina ana hoki mai i ngā toka.
He wāhi whānaunau kekeno o Aotearoa hoki tata ki te Kūrae o Kahutara. Ko ngā punua whānau ai i te Koanga ki te tīmatanga o te Raumati, ā, ia tau ka hoki mai anō ki konei whānau ai Huri noa i te tau, ka kapi katoa te White Rock i Table Cape, i te pito rānei o ngā whenua pāmu. Noho 20m te tawhiti i ngā kekeno. Kaua e pōrearea, e hoihoi, e makamaka mea.
Tēra ka kite koe i ngā manu te tūturiwhatu o Aotearoa, ngā momo tōrea, karoro, taranui me ngā kūaka ka tau mai ana i waenga o koanga me ngahuru.
He tino ātaahua tēnei akau, ka taea hoki te hari kirihou hei kohi rāpihi.
Te Hītori o Te Ara
3 kiromita mai i tēnei akau i totohu te waka SS Tasmania i te marama o Hūrae te tau 1897, a, 148 ngā tāngata i runga. Nū te ahiahi ka tuki ki ngā toka i Tūranganui ki te taha Table Cape, katahi ka panaia e te hau tonga i mua i te totohutanga ao ake. E ono ngā poti kawe haumaru i te katoa o ngā tāngata ki uta engari tata ki Muriwai ka turakihia tētahi o ngā waka ka toromi te tekau ma tahi, tokorima i tanumia ki te urupā o Mākaraka. Ko tētahi o ngā pāhihi a Mr. Rothschild, whai whakakai, te wāriu, $2000 i totohu, katahi ka hokona e ia taua tima mo te $25 ka utua he kairuku, auare ake i kitea, katahi ka hokona mai e Kelly Tarlton i te tau 1970. Hāwhe noa iho o ngā whakakai i kitea.
Paku Āwhina me ngā Āhuatanga
E tae ai koe ki reira, whai i te huarahi o Rāwhiti ki Māhia hipa i Te Ngutuawa o Whangawehi, huri whakatemāui ki te rori o Nukutaurua, ka haere 1 kiromita i te rori kirikiri. E tū ki te taha māui, ki taha o te kēti raka. Heke iho mā raro ka hikoi haere i tea kau tae noa ki te tohu tai pari ki te Kūrae o Kahutara.