Te Āhuatanga
HillyTe Tawhiti
25 kmEke Paihikara
2 hours
He tino haerehia tēnei huarahi hiwihiwi whai wāhi pārekareka, whakataetae e ngā kaieke paihikara katoa ka whai haere i te hekenga o te awa o Waimatā, ka uru atu ki ngā āhua noho, ka hipa i te Wheketere Tiihi o Waimatā ka puta atu ki tuawhenua. Ko te Roopu Eke Paihikara o Tūranganui ngā kaiwhakamahi i Te Rori o Riverside me Te Rori o Goodwin hei rori whakataetae.
Te Hītori o Te Ara
Ko te awa o Tūranganui River te rerenga atu o te awa o Waimatā ka hāngai ki te rohe tonga te uru o te iwi o Ngāti Porou i Tūranga. He maha ngā rēanga o Ngāti Porou i noho, i whakamahi i ēnei whenua tata ki ngā pari o ngā awa o te rāwhiti. Ko te awa o Waimatā he wāhanga nō te iwi Rongowhakaata. Ko te tikanga whakapūmau tonu te iwi o Rongowhakaata ki te ahurea, ki ngā hītori, me te taha wairua o te awa o Waimatā ki te iwi o Rongowhakaata.
Ko te tikanga o te ingoa Waimatā, ko te tae o ngā wai, matā tūhua, te pōuriuri. Kei raro iho, ka rere te awa o Waimatā i ngā pae maunga tapu o Motukeo ka tūhono ki te awa o Tūranganui me te awa o Taruheru e mōhiotia nei ko Ngā wai wehe rua, Waiweherua rānei. He awa ika, pipi, kuku me ētahi atu kaimoana ma ngā hapu i ngā awa o Tūranganui me Waimatā. He ara hoe waka mai i uta ki waho. Tēra hoki te kaupapa hoko mai, hoko atu. Nga-Whakaaetanga-a-Ture-mo-te-Tairawhiti-Statutory-Acknowledgements-of-the Gisborne District.
E mōhiotia ana te rori o Riverside he rori pāhekeheke, ka horo. The Gisborne Photo News, No 14: August 25, 1955 he whakaahua tuhinga, “Giant Slips Destroy Road and Rail Links”, mo ngā horo whenua tino nunui i te wā mākū.
“Ko tētahi o ngā horo tino nui rawa atu, e toru maero noa te tawhiti mai i Tūranganui, i te rori o Riverside pātata ki te awa o Waimatā. I kōnei ka tuwhera mo te koata maero ki ngā whānau engari, tino turakina, pakaru katoa ana kāre anō kia whakatikatikahia. Engari kua tūwhera anō he huarahi atu."
I horo i te tau 1955 engari katahi tonu ka horaina te rori ki te papa maene. I tere ngā para ki te awa o Waimatā, ka aukatia te awa, he pāpuni, ka hoki whakamuri te wai ka pakaru, tuwhera ana he awakeri.
Ko tētahi atu huarahi kua tuwhera ko te ara ki te wharau o Mātokitoki, i hangaia mo ngā motuka ka whakamahia mo ētahi marama e ngā kainoho o Te Rori o Riverside hei karo i te horo ka taraiwa ki te taone.
Nō muri mai ka hangaia te rori i te horo, e taea ai te eke paihikara ka piki haere ki te rori o Goodwin, he pāpura te tipu i ngā tahataha o ngā hiwi, hei pupuri i whenua kia kore e horo.
Paku Āwhina me ngā Āhuatanga
Kua horaina te papa maene ki ngā rori o Riverside me Goodwin engari kia tūpato i ngā pokorua. He whāiti, he kokikoki te rori. Ahakoa kāre he taraka kawe rākau i te rori, engari kia tūpato i ngā taraka kawe pōhi. Me piri ngā kaieke paihikara ki te taha māui. E whā ngā wāhi kua horo te rori i te taha hiwihiwi, ka noho taha kotahi te rori.