Te Āhuatanga
EasyTe Tawhiti
9 kmTe Hīkoi
2.5 - 3 hoursEke Paihikara
1 hour
Eke Paihikara, hīkoi, oma haere i tēnei ara kirikiri i te taha moana tino ātaahua arā te Moananui a Kiwa. Ka eke runga tāhuna, ko te kitenga tēra i te whānuitanga o te moana ki Moutohorā, ki Whakaari me ngā Taungahiwi Raukūmara.
Ka taea te eke paihikara puta noa i ngā rumakitanga rākau taketake ahakoa me tūpato i ngā pūnaha rauropi o te tāhuna. Ka whai wāhi koe ki ngā ara ki te akau, ki ngā wāhi whakatā, wāhi kai, kaukau hoki. Ka hīkoia ngā papa hīkoi me ngā piriti kia kite i ngā pou whenua. Ka uru mai te wairua aiotanga ki a koe, ka tuwhera te katoa o Mataatua.
I te mutunga, whakatā i te wāhi whakaruruhau katahi ka hoki anō, ki te kore, haere tonu ki te Ara o Motū. Ka taea te takahi, te oma rānei i te tāhuna – he wāhi tino pai mo te whānau ki te haereere, te maha o ngā ara poto, ngā piki me ngā heke, ngā taki, a, ka taea hoki te huri ahakoa pēhea te tawhiti. Kei a koe! Link to Motu Trails
Te Hītori o Te Ara
800 tau ki muri te taunga mai o te waka tuatahi ki Ōpōtiki, ka whakawhiti ake Te Ara Tāhuna mai i taua wāhi me ōna tikanga. E hia whakatipuranga ki muri tae noa mai ki tēnei wā kei te tino mā tonu te akau, te moana, te tāhuna, ngā hiwi, e mōhiotia nei e te iwi o Whakatōhea, ko ngā pātaka kai.
Paku Āwhina me ngā Āhuatanga
Ka whakaaetia te eke paihikara hiko ki ngā ara Tāhuna.
Ka whakaaetia te hari kurī engari me mau here.
Ka tutū te haukirikiri ki ētahi wāhi o te ara. Kia tūpato, āta haere i tēnei wāhi. Link to Motu Trails