Te Āhuatanga
AdvancedTe Tawhiti
9 km each wayTe Hīkoi
4-5 hours each way
Ko te wāhanga tuatahi o te hikoi ki te Te Wharau Papatahi o Nīkau mai i Wairata, he ara pāmu kei te pito o te rumakitanga rākau. Kātahi ka tūono ki ngā pānui whakamārama e whakaatu ana kotahi ki te rua haora ki te Papatahi o Nīkau, tere tonu te uru atu ki te ngahere rākau tāroaroa. He rimu, he tawa, he tipu kei runga rākau, he tipu piki haere me te maha o ētahi atu rākau, he rārauwhe, he nīkau te uhi i runga ake i te awa o Waioeka, he uhinga tino pai rawa atu i tēnei ao tūroa me te hīkoi i raro iho.
Kia māiaia, kia tū tika ka hīkoi i tēnei papa pāhiwihiwi. Ko te nuinga o te ara he pae tepetepe, poupou piri tonu, ki te pari, taha hiwi hoki. He maha ngā kōawaawa ka rere mai ki te ara hīkoi, ā, i tētahi wāhi he tepe piki toka whāiti poupou, puta noa te wairere, rere ana mai ki te ara. Kua kore te ara ki ētahi wāhanga o te huarahi ara, nā ngā horo tawhito o mua kua noho he maramara toka te hora haere, pāhiwihiwi ana. Ahakoa kua hangaia he ara whāiti ki tēnei rohe, pai ana te hikoi, te neke ainga.
Kua āhua uaua te ara ki te wharau o Nīkau nā te mea i horo te ara tata ki te wharau. He horo tino kino. Ka whakaetetia te hunga hīkoi i ngā 300m whakamutunga ma te awa o Waioeka.
Nō te ture, kei te kati te ara i tēnei wā, engari ka tae pai ngā kaihīkoi kaha ki te wharau ki te mahea , ki te rere pai te awa. E rua ngā awa hei whakawhiti. Hei whakatūpato, kia kore te rere o Te Awa o Waioeka, neke atu i te 8 cumecs, me te teitei kia kore neke atu i te 1.2m i te whare meiha wai. FlowRate Aotearoa Ki te moe koe i te wharau o Nīkau, āta tirohia ngā tohu huarere, te whakatūpato ki te āhua o te awa. DoC website Nikau Flat Hut
Tirohia ngā whio ki te kite atu i te awa ka piki haere ki ngā tūāpapa, tata ki te wharau.
Kei runga ake i te kōawa ko Koranga Forks, ko Tawa me ngā Wharau o Kahunui ka taea atu mai i Te Wharau o Nīkau ki te whai haere i ngā tūāpapa o te awa, ka whakawhiti maha i te awa o Waioeka. He ara pikinga ka atu ki ngā Wharau o Koranga Forks ki te pito o Te Rori o Moanui. Ko Te Wharau o Kotepato 1km ki Te Kōawa o Te Wharau o ngā Papatahi o Nīkau.
Te Hītori o Te Ara
I hangaia tēnei wharau i te tau 1965, he tikanga whaiora, i āhua whakatikaina, e ono ngā moenga. Nō te tau 2000 pea ka whakahoungia, ka hangaia ngā kuaha me ngā wini ārama (aluminium). He kirihou pango te kurawai, te whārite i te mea he haiana i mua. Ko te ahi me ngā moenga papa nō mai rā nō.
Paku Āwhina me ngā Āhuatanga
Mai i te Rori o Te Tāwharua o Waioeka, haere tonu i te Rori o Wairata me Redpath ki te mutunga o te rori. E tū ki te tohu tū ki runga otaota.
Kia kore ai e tūpono ki ngā horo mōrearea o te ara tata ki Te Wharau o Nīkau, ki te hīkoi mai i Te Wharau mai i Wairāta, ko te wāhi māmā, ko te taka iho ki te awa o Waioeka tata ki te 100m hipa i te wehenga nui kei te taha māui. Ko tēnei wehenga nui tino ātaahua tata tonu ki te wharau. Whakawhiti i te kōawa, ka hīkoi paku i te ara, ka hīkoi whakararo i te ara, puta noa i te puihi ki ngā tokanui i te akau, ka whakawhiti atu ki te Awa o Waioeka tā te ritenga o te teitei, hāhaka rānei o te wai. Piki haere ki te tūāpapa kōhatu taha awa, ka whakawhiti ki te taha māui, kei raro iho i te wharau he whakawhitinga tino hōhonu.
I mua i tō haerenga, hokona he tīkiti mo Te Wharau mo te pō.
- Pākeke (18+neke atu) $10 mo te pō.
- Rangatahi (5-17 te pakeke) $5 mo te pō
- Tamariki/Pēpi (0-4) kore utu.
Kei roto te nama o te tikiti i te pukapuka o te wharau.
Hokona he Backcountry Hut Pass kia uru atu ai ki ēnei wharau - mo te tekau ma rua marama.