Te Āhuatanga
Easy
Te Tawhiti
13 km
Te Hīkoi
4-5 hours
Eke Paihikara
1 hour
Information for this trail was last updated Hereturikōkā 2025

Ka kitea te nuinga o ngā pikiti i tāngia e Graeme Mudge (1932-2014) i te tekau mā whitu tau i tēnei ara. He pikitia whakaaturanga i te taenga mai o te Pākehā, me ētahi nō taua wā e whakaatu ana i ngā mahi o te taone, ngā mahi hākinakina, ngahau, tākaro me te whakawhanaketanga.

I wā whakapapa i ngā mahi a Mark Peters te kaituhi o The Mudges Murals, ko tāna, te āhuatanga hanga, ngā kōrero, ngā hītori e pā ana, rere a te paraihe, kore mataku ki ngā tae, nāna ake, nō te rohe.

Ko te whakaaturanga whānui tuatahi a Mudge, ko te pikitia o Wattie, 1994. Kia Ātaahua tonu a Tūranganui, he momo kaupare karawhiti. 

1998 Ladies Surf Life Saving Club mural (Graeme Mudge), Rebecca Grunwell
1998 Ladies Surf Life Saving Club mural (Graeme Mudge), Rebecca Grunwell
1999 Weighbridge mural of the former freezing works (Graeme Mudge)
1999 Weighbridge mural of the former freezing works (Graeme Mudge)
2001 Cosmopolitan Club mural of Gisborne commercial enterprises (Graeme Mudge)
2001 Cosmopolitan Club mural of Gisborne commercial enterprises (Graeme Mudge)
2001 Substation mural of Gisborne's old courthouse building (Graeme Mudge)
2001 Substation mural of Gisborne's old courthouse building (Graeme Mudge)
2001 Substation mural of Gisborne's old Post Office Telegraph building (Graeme Mudge)
2001 Substation mural of Gisborne's old Post Office Telegraph building (Graeme Mudge)

Paku Āwhina me ngā Āhuatanga

Kei a koe te tikanga me tīmata koe ki whea. Ko tētahi arā, me waiho tō motukā ki te tiriti o Ballance ka mātaki i te pikitia tuatahi a Mudge kei te toa hoko kei te kokona o te tiriti o Ōmana me Ballance. Nō te tau 1997 i tāngia ai tēnei pikitia.

E huri ki te Ara Tereina tata  ki te Tiriti o Wī Pere. Huri whakatemāui, ka whakawhiti i te piriti i te awa o Taruheru, ka heke ki ngā tepe ki Te Māra Pua o Botanicals Garden.   Hīkoi ki te tiriti o Carnavon, katahi ka tae atu ki te rori o Aberdeen, ka tūhono ki te Ara o Ngā Awa o te Taone (City Rivers) i te kokona o te tiriti o Derby me Aberdeen. Haere whakatematau i te ara ka kite koe i ngā pikitia i tāngia i te tau 1997 arā Te Gisborne City Highland Pipe Band i te tiriti o Bright kei te taha o Hato Hōne Waka Kawe Tūroro.

Haere tonu i te tiriti o Bright kia kite koe i te whakaruruhau mo ngā tāngata tatari mo te pahi kei te taha māui hipa i Te Whare Pukapuka Whakamaumahara ki a H.B Williams. He whakaaturanga nō te tau 2011 i te wahine ā Mudge, arā a Lisette i te matapihi o muri o te pahi. Ko te kaitā, nāna anō ia i peita ki waho o te pahi.

Whai haere i te tiriti o Bright ki te rori o Childers, huri whakatemāui, ka kite koe i te pikitia Wāhi Pēne 2000. Haere tonu ki te Whare Tapere Whakamaumahara ki ngā Hōia, ka kitea atu ngā pikitia ki te whātaretare i te matapihi ki te taha matau o te kuhunga. He pai ake te mātaki ka tuwhera ana.

Mai i reira e hoki ki te tiriti o Childers ki te tiriti o Kerei. Huri whakatemāui haere 100 mita ki te Karapu o Cosmopolitan kei tua atu. I reira ka kitea i roto i te karapu he pikitia o te karapu tawhito.

Heke atu ki te tiriti o Kerei ki te Puna Whakamōhio, (Info Centre) ka whai haere i te Pārae o Alfred Cox ki te rori o Stanley. Huri whakatemāui ki te rori o Stanley, hīkoi tonu, eke paihikara rānei ki Centennial Marine Drive. Kei tēnei huarahi, hipa atu i te wāhi kaukau, Kiwa, ko te pikitia i tāngia i te tau 2008 o Te Whareherehere o Tūranganui 1910, ara 20 ngā rūma here, a, he wehenga mō ngā tāne mai i ngā wāhine me ngā wātene. He iāri whakakaha tinana hoki i waho.

Whakawhiti i te rori ki te ara hikoi, eke paihikara rānei o Oneroa, ka kite i Te Karapu Kauhauora o ngā Wāhine 1999 (nāianei Te Karapu Triathlon o Te Rāwhiti me ngā Takaro Maha) he pikitia kei kō atu i Te Pārae o Te Pou Kāpura (Beacon)

Haere tonu i Te Ara o Oneroa ka hipa i ngā whakapakoko o Te Kuri a Pāoa me Kuki ki te huringa o te ara ki te awa o Tūranganui. Kei tēra taha o te rori ko te pikitia Watties 1994, Te Wā o Te Hēra 1999 kei ngā taha o te hēte ō Wa165, kei te rori o Awapuni.

E hoki ki te awa, hipa i te wāpu paku, ki te wāhi hii te tangata. Ko te wawata kia mau he ika. Kei konei te pikitia o Te Taupuni-roto (Substation) 2001 arā he whakaaturanga kei te whare o te Poari o te Wāhapū o Tūranganui, te Kaunihera o Te Rohe o Te Taone, Te Kooti, te Pōhi 1900 me te whare Wāea.

Haere tonu i te huarahi ki te Piriti o Te Ara o Gladstone, whakawhiti ki te wāpu, Tauranga poti. Tata ki te mutunga o te piriti ko te pikitia e whakaatu ana i Te Piriti Tohu Taumaha 1999 me te wāhi mahi patu miiti me ngā ahumai ika.

Kei runga atu i te rori o Wainui, kei tēra taha ko te wāhi tino pukumahi ko te karapu Maita o Tūranganui 1995, he pikitia e whakaatu ana i te tīmatanga o te karapu i te tau 1884 me ētahi whakaahua o te wā.

E hokiki te ara, haere tonu ka hipa i ētahi o ngā whare o te wāpu ka tae atu ki (Lower Crawford Road) raro iho o te rori o Crawford ki te taha māui ki ngā ukuahi me Te Works kei te taha matau. Kei te pito o tēnei rori ko te 2011 pikitia o Te Ngahere Ahumahi kei raro iho i te rori o Rakaiatāne.

Hoki anō ki te Piriti o Te Rori o Gladstone, whai i te ara ki te huarahi o Palmerston, huri whakatematau i tēra taha o te Tiriti o te Piriti o Peel, haere tonu hipa i te pārae i te kokona o Te Tiriti o Stout ki te tūnga waka i waho o Te Hōro o Tūmatauenga-Hōia, ā, kei te pito tawhiti ko te pikitia ā  Mudge 2008, Te Mākete ā ngā Kaiahuwhenua.

Mai i konei, whakawhiti i te Tiriti o Fitzherbert ki Lawson Field Theatre. Haere ki te taha wai o te whare kia kite koe i te pikitia o Te Kaiwhakamōhio o Te Taone (Town crier) ara i whakamatia ka whakatūngia ki te taha o te whare tapere i te tau 2017 i muri mai i te turakitangatia o te whare i whakataungia e te kaunihera.

E hoki ki te tiriti o Fitzherbert, whakawhiti ki te rori o Ōmana huri whakatemaui ki te Ara Tereina. Whai tonu, tae noa ki Te Tiriti o Ballance.  

E rua ngā pikitia Mudge kāre i whakaaturia i tēnei pānui nā te tawhiti—arā Te Parae o Watson, kei reira te pikitia ā Mudge o te tereina 1997, te whakamutunga o Wa165 ngā Tereina Tīma, ka nekehia i te tau 2010 mai i te Papa Tākaro me te Karapu Hauwhiti o Kaiti-Tūranganui i te tiriti 140 o Rūtene.