Te Āhuatanga
EasyTe Tawhiti
2 km (return)Te Hīkoi
1 hour (return)
Ngā Aukatinga o ngā peka o te wā.
Ko te wā aukatinga ko te wā whānaunau reme, arā rerekē ki ngā Ara kaiwaewae a Te Papa Atawhai (Cooks Cove, Te Pāmu Te Kuri, Te Whanga o Anaura me Ōtoko) arā ka katia ia tau mai i te tuatahi o Akuhata ki ngā rā Whakatā Kaimahi (Labour Weekend) te whakamutunga o Ōketopa arā te rerekētanga ki Te Kaiwaewae o Aratia me Māpiri ka kati i te marama o Hūrae ka tuwhera i te mutunga o Hepetema.
Ka whai haere tēnei ara o te pāmu i te hiwi hāhaka ki te Teihana kei te tonga o Te Kurī a Pāoa. Timu ana te tai, pai ana, ka taea te hīkoi 3km ki te tonga o te akau ki Te Kūrae o Māpiri.
He ara pāmu i whakataungia mo te katoa hei ara hīkoi e mōhiotia ana ko Te Ara o Māpiri e tūwhera ana i te awatea hei ara ki te akau o Te Kūrae o Māpiri. Ka katia i te wā whānaunau ngā reme i ngā marama o Hūrae ki te marama o Hepetema.
Ka kitea whānuitia ngā repo, ki tuawhenua ko te ngutu awa kua whakahokia mai mā te kaha rumakitia o ngā rākau taketake me ngā harakeke. Me mihi ki te hunga kaipatu kīrearea, ā, kua tino pakari ngā rākau me ngā tipu hei nōhanga haumaru mo ngā kōwao.
Ka rere te awa o Maraetaha ki te akau o Māpiri. Nā te nekeneke, ka rerekē te rere o te awa, tēra mā te whakawhiti i te awa ka tae atu ki te akau. Me hīkoi rānei ki te taha o te awa, ki te akau hipa i te wahapū.
Tae atu ana ki te akau, hīkoi koa i te ara kirikiri tohu tai pari kia kore e pōrearea i ngā tūturiwhatu, kōmiromiro, tūrea, karoro noho kōhanga. Tata atu ana ki te akau, he papa pānui whakamōhio ki ngā momo manu. Ko ētahi wāhanga o te akau ka taiapahia hei ārai i ngā kōhanga.
Kāre noa he take ki te wāea ki Te Tari o Te Teihana o Nicks Head, engari he pai tonu ki te whakamōhio atu i ngā rā o te wiki, te wā nui ngā kaimahi o te pāmu. He tikanga rangatira rawa atu te hīkoi i te pāmu ki te akau.
Imeera: admin@nickshead.co.nz
Wāea: 06 862 8642
Kia mōhio koe: Kāre he kurī e whakaaetia ki konei.
Te Hītori o Te Ara
Ko te nuinga o ngā pari i te akau, he pari horo noa, he papa toka kerei, engari ki te tonga o te akau o Te Kūrae o Māpiri, he kaha ake ngā toka o ngā pari, he maramara konupūmā paepara. Kei konei hoki ngā tūmomo toka kōma, te whitikina e te rā, te uaina te horo mai i ngā pari. Ko te tikanga o te ingoa Māpiri, i hua mai i ngā toka mā i te akau me ngā kōawa.
Paku Āwhina me ngā Āhuatanga
Haere ki te tonga o Tūranganui ki te hiahia haere koe ki Te Ara o Māpiri. Whakawhiti ana i te piriti Nama 1 o Maraetaha e huri whakatemāui mai i Te Ara Matua 2, 1km mai i te piriti tereina whakarunga. Kuhu atu mā te kēti ki te Teihana o Nicks Head huri whakatemāui.
Haere mo te 200m ka hipa i te hete kuti hipi, me te hēte huarākau. E tū ki raro i te rākau oke kei te taha matau o te rori pāmu, ka kite koe i te kēti papa kakariki kei te taha o te kēti o te pāmu, he pānui whakamōhio mo te ara kei runga. Hei whakamōhio: mai i konei he huarahi tūmataiti tēnei.