Te Āhuatanga
Easy
Te Tawhiti
580m each way
Te Hīkoi
30 minutes each way
No cycling on this trail
No dogs on this trail
Information for this trail was last updated Hereturikōkā 2025

He ara kua poungia hei whai ki ngā ana pākeho i te whenua pāmu tūmataiti. He pou pānui kei te kuhunga atu me te ara whakatunganga te tohu o te tīmatanga o te ara. Noho tonu ki te ara poungia, waiho ngā keti ki te āhuatanga tuatahi. He mōrearea ngā pari pākeho me ngā pokorua, ā, mā te whai i te ara kāre koe e taka i ngā wāhanga teitei.

Hipa ana i te wāhanga teitei tuatahi o te ara, ko te tirohanga tino whakahirahira ki te ātaahuatanga o te akau. Ki te mahea ka kitea atu a Māhia. Kei te ipurangi a Papa Atawhai ētahi atu whakamārama Department of Conservation.

He tepe ki te mārua matua 40m te roa huri noa. He poharu, he māniania te papa o te ana, ko ētahi wāhanga he wai ki ō raparapa whatinga. Me mau hū tika, kaua hoki e aro ake ki te paru me te mākū. He taha rua te hīkoinga kei runga ake, engari toru mita te teitei o ngā arawhata mai i te mārua matua ki aua hīkoinga. Kia tūpato te piki haere i ngā arawhata ki ngā taha o te ana, he puare, he taka hōhonu. Ehara tēnei mō te katoa, engari mo te taikaha, māiaia hoki. He āhua uaua.

He pai ake te rama mua kia wātea ai ō ringa ki te piki arawhata, mau pou ringa. Nā te hāhaka o te tuanui i ētahi wāhi, pai tonu me mau pōtae māro.

Limestone bluff in farmland, Gay Young
Limestone bluff in farmland, Gay Young
Cave entrance, Gillian Ward
Cave entrance, Gillian Ward
Steps leading into limestone cave, Gay Young
Steps leading into limestone cave, Gay Young
Stalagmites, Gay Young
Stalagmites, Gay Young
Inside the cave, Gay Young
Inside the cave, Gay Young

Mangaone Caves Track

Te Hītori o Te Ara

Ko te inoi ā te tangata whenua, te iwi Ngāti Rākaipaaka kia whakahōnoretia, kia tika te takahi i te whenua. Manomano tau te huringa o ēnei āhuatanga, arā, ngā koekoiri, ngā koikotū ki ēnei ana. Ka pakaru noa. Kaua e whāwhātia, kaua e raweke. Kaua e tuhituhi, e tuhi anuanu ki ngā pari. He taonga tiakina ngā ngārara, ngā mahuetanga o nehe. Waihotia, kaua e raweke. 

Paku Āwhina me ngā Āhuatanga

40 kiromita mai i Te Wairoa. Mai i te ara matua SH2 huri ki te rori o Mangaone, haere whā kiromita ki te raki o Nūhaka, ki te tonga rānei o Ngā Āwhā o Mōrere. Haere tonu i te rori kore māenene, whāiti kokikoki. He pou tohu kei te taha o te rori e whakaatu ana i te wāhi tūnga motukā kei te pārae. Kia tūpato i ngā taraka kawe rākau haere i te rori o Mangaone.