Te Āhuatanga
EasyTe Tawhiti
7.5kmTe Hīkoi
2 hourEke Paihikara
30 min
He toamaha, ahakoa iti noa engari tino pukumahi . Ko wāhanga whai tata ki Beetham, ki Kiri Te Kanawa nā kāinga mo te hunga tū pakeke.
Waiho tō motuka ki konei ka tīmata te hikoi, te eke paihikara. Kei a koe te tikanga ko tēhea huarahi pai ana.
Haere ki te huarahi marumaru o Pōtae, he whare hou, he māra whakapaipai, he nui hoki ngā kāinga mo te hunga tū pakeke, katahi ko te tiriti o Ruth, he wāhi āhua noho katahi ka tae atu ki te wāhi āhua tawhito arā, te rori haere nuitia o Nelson.
Haere i te rori o Campion ki te piriti hikoi ki te rori o Campion katahi ki Gladstone, te rori haerenga nuia e ngā tūmomo waka, arā te urunga ki te taone o Tūranganui.
Ko te Rori o Aberdeen tētahi tino tūnga o ngā whare ātaahua tawhito, tata ki te awa o Taruheru. Ko te Pārae o Ayton, he wāhi marumaru, rākau nunui, tino ātaahua ngā wāhi pārekareka. Kia maumahara ki ngā āhuatanga o ngā tai moana ki te whakawhiti i ngā piriti o Taruheru, te piriti hikoi i te rori o Stanley, te kōawaawa o Mangapapa, te piriti i te tiriti o Grundy ki te tiriti o Stout. Ko te pārae ātaahua kei te tiriti o Emily te wāhi pai ki te whakatā i mua i te hokinga ki Lytton ahakoa kotahi tonu te whakawhitinga kōawa i te rori o Lytton.
Ko tēnei wāhanga o te haere, tataki te awa o Taruheru ka whai wāhi hoki ki Te Ara o Taruheru, he ara tawhiti i te ara matua e pai ana mo te hikoi, eke paihikara, ā he tino haumaru mo ngā tamariki haere ki te kura.
Lytton West Village - Te Hapara - Riverdale loop
Lytton West Village - Te Hapara - Riverdale Loop
Te Hītori o Te Ara
E ai ki, ko te whakawhitinga mai i te rori o Lytton i te kōawa o Mātokitoki, he pokorua kōwiriwiri i reira, ā, nō te marama o Noema 1973, ka whakauruhia he karawata mo taua whakawhitinga awa. I mua i te whakaurutanga i te karawata, ka waipuke ana kāre he waka e whakawhiti. Kaha tonu te heke o te rori o Lytton i mua i te whakaurutanga o tētahi karawata nunui katahi ka tautika te rori o Lytton. I muri mai, a runga, a raro me ngā tahataha o te kōawa o Mātokitoki i kaha waipuketia i te Āwha Gabrielle i te marama o Pepuere 2023. He maha ngā mahi whakahaumaru, whakatikatika arā ki te pakaru anō he āwha, e pai ana.
Paku Āwhina me ngā Āhuatanga
He wharepaku, he toa hoko kai, he wāhi kai hapa, kai aihikereme kei te toamaha o Lytton.
He wāhi pārekareka kei tēnei haerenga kei te Pārae o Ayton, Atkinson me Emily.
I te wā kura tino nui ngā pōrearea o ngā rori, huarahi me ngā tiriti mai i te 8.00 o te ata ki te 8.30, mai i te 2.45 o te ahiahi ki te 3.20, arā ngā pūtahitanga i te rori o Aberdeen.
Huri whakamuri whai haere i te huarahi marumaru o Pōtae, te tiriti o Joanne, te wāhi o Gwenyth, te tiriti o Ruth, te rori o Nelson, te tiriti o Elsdon Best, whakawhiti ki te piritio Campion ki te rori o Gladstone, huri ki te taha māui ki te rori o Aberdeen, whakawhiti ki te rori o Lytton, huri taha māui ki Balfour, whakawhiti ki te Pārae o Ayton ki te ara whāiti tūhono atu ki te huarahi o Fergusson ki te taha māui ki te rori o Aberdeen, huri taha māui ki Stanley ki te piriti whakawhiti i te Kōawa o Mangapapa ki te tiriti o Grundy, whakawhiti ki te rori o Dalrymple ki te tiriti o Atkinson (me haere mā te tiriti o Atkinson Riverside Reserve) taha māui ki te tiriti o Stout, huri ki te taha matau ki te tiriti o Charles, tahamāui ki te tiriti o Emily, huri ki te taha matau ki te rori o Lytton katahi ki te toamaha o Lytton West.