Te Āhuatanga
Easy
Te Tawhiti
8 km
Te Hīkoi
2 hours
Eke Paihikara
40 minutes
Information for this trail was last updated Hereturikōkā 2025

E whitu kiromita te roanga o te tāhuna o Kōpūtūtea mai i Waikanae (Midway) ki te wahapū o te awa o Waipāoa. He whenua nō tangata kē engari kei raro i te mana manaaki o Te Kaunihera o Tūranganui me ngā Rangatira o Kōpūtūtea e taea ai e te huhua te hikoi ki te moana ma te tāhuna. Kia maumahara ngā manuhiri ki ngā tikanga o te whenua, ara ko ngā tapuwae, maaka o ngā wēra anake te mahue ki muri.

Tēra hoki tētahi wāhi tino pai rawa i Kōpūtūtea ko te hīkoikoi, omaoma, eke paihikara, kohi wahie, me te whakakaha kuri, ā, whai tonu ki te moana, ki te awa ki te hii, ki te kohi kaimoana me ētahi atu mahi.

Te Hītori o Te Ara

I puta ake te tāhuna o Kōpūtūtea i te ururuatanga ka tūhono atu ki ngā pari o te tai ka wehe mai i te moana, ka tāhunatia e ngā āwha moana me te rori.

He wāhi kua whakapaipaitia mai i te tiriti o Pacific ki te wahapū o te awa o Waipāoa huri noa i Tūranganui a Kiwa.

Nā te nui mārika o te kaimoana ki te wahapū o Te Awa o Waipāoa me te tata hoki  ki te wahapū o Awapuni (kua hoki mai) me ngā Muriwai o Te Wherowhero e ai ki he tino wāhi whakaaronuitia a Kōpūtūtea ki ngā tāngata whenua me te taunga mai o ngā Pākehā ki konei.

Kōputūtea Co-Management Plan, GDC 2012

I te tau 2017, i whakatūtūhia he aukati ki te Centennial Marine Drive e Te Kaunihera o Te Tairawhiti kia kore ai ngā waka e haere ki te tāhuna, kia kaha tupu ai ngā hururua, kia kore ai e putu haere he rāpihi. Ahakoa rā, kei te kitea tonu ngā haerenga waka me te putunga rāpihi. Kei te whakaaro ngā rangatira o te whenua ki te hanga ara hikoi, eke paihikara i te tāhuna mai i Midway beach ki te wahapū o te awa o Waipāoa. He tino ara tēnei e hīkoia ana e te tangata, ā, tēra pea ka kore e putua he rāpihi ki konei, nā te kotahi tonu o te kuhuna atu kia tupu pai ai ngā hururua.

 

Paku Āwhina me ngā Āhuatanga

Kotahi tonu te ara o Te Tāhuna o Kōpūtūtea engari ka taea te tūhono atu ki Te Akau o Te Awa o Waipāoa ka eke haere i ngā rori o taiwhenua ki Tūranganui, ka eke paihikara mai rānei i Centennial Marine Drive. 

Ko ngā rori āhua pōharuharu i ngā waka, e taea ana te hīkoi, te eke paihikara, ka tīmata mai i te tūngta waka i te tāhuna ki te uru o te Tiriti o Pacific. He hākinakina pai mo ngā paihikara maunga, te eke haere i ngā papa kirikiri, i ngā tāhuna hiwihiwi, ngā piikopiko, ngā kokikoki, te rere taha i te Moananui ā Kiwa, ka mātaki i ngā ngaru nui mai i te āhuatanga o te hautonga.