Te Ara Hīkoi, Paihikara Hoki, o Tūranga ki Wainui

Gisborne - Wainui Cycle and Walkway

E rangona whānuitia ana a Wainui mo te akau ngarungaru, te tīmatanga o te haerenga i te ara matua 35 ki Te Rāwhiti, huri noa ki Ōpōtiki kei Mātaatua.

I ngā tau 1880, ki te 20 rau tau, he piringa kata tōia e ngā hoiho, ngā waka kawe tāngata, taonga, kai ki te rāwhiti.

I Wainui, āia ai ngā hipi, ngā kau mai, ki rānei ki te akau e mōhiotia nei ko te Ara Kararehe. Ko te ara eke paihikara, hīkoi rānei o Tūranganui ki Wainui, ka tīmata mai 150m mai i tēnei huarahi. Ka āia mai ngā kararehe mai i te rāwhiti ki te wāhi patu miiti, ka āia rānei ngā kararehe ki te rāwhiti ki ngā pātītī hou.   

He whakaaro nui nō mai rā nō, nō ngā tāngata o Wainui kia hangaia he ara hīkoi, he ara eke paihikara mai i Tūranganui ki Wainui, ka whakatinanatia e Muriel Jones te kaimahi i te kaunihera a-rohe i ngā rā o mua. Ka kitea tana ingoa i te wāhi whakatā tata ki  te wāhanga o Sponge Bay. He whakamaumaharatanga ki tana mahi i tutuki ai te kaupapa.

Ka whakawhiti te ara i te rori matua ki Sponge Bay, tata ki te 1.5km mai i Wainui. Ki te tika ngā āhuatanga o te wā, pārekareka ana ngā kaieke ngaru ki waho o Sponge Bay me Te Moutere o Tuamotu. I te wā 1800 mau toka ai te ara taramu mai i te moutere huri noa ki te awa o Tūranganui - mā te ara o Crawford me te rori o Wainui ki te whakatau kaupapa i te wāpu. I mua he wāhi akoranga a Sponge Bay i ngā  hōia rangatahi ki te pupuhi i raro i te Mana Ārai Hoariri.

Tata ki te pārae o Heath Johnston, ka whakawhiti te ara eke paihikara me te ara hīkoi i te whenua i kohaina ki ngā tāngata o Tūranganui e Te Poari Tiaki Ahu Whenua o Matuaokore. E whā ngā pou pakiwaaitara whakaatu mana nō rātou ngā whenua, me te wawata kia tiakina te whenua mo ake, arā manaakitanga, kaitiakitanga, whanaungatanga, hei tūhono i te katoa ko te Atuatanga. 

I tū te kura o Kaiti i te tau 1907, te huarahi pārekareka mo ngā tamariki haere ki te kura me te hoki anō.

I tapaina te rori o Crawford ki te Mea tuatahi o Tūranganui ki a William Crawford i te tau 1877. He tangata mahi pia, tango whakaahua hoki. Ko ana putunga whakaahua, he whakaaturanga o te rohe mai i te tau 1874 ki te tau 1913. Ka kitea ētahi o ana kohinga i te pukapuka Gisborne Exposed nā Sheila Robinson rāua ko John Berry i tito.

Tata ki te wāpu mahi, ko te ara ka hipa i ngā iari putunga rākau mo Haina. I puta mai ēnei rākau i ngā ngahere paina o te rohe. He whakaaturanga hoki i te kaha rerekē o te whenua i ngā tau 150 mai i rākau taketake, nō te whenua ki ngā pāmu hipi, kau ki tipunga paina. He rākau paina anake te kitea i te tūnga tawhito o te wāhi patu miiti tata ki te rau tau e mahi ana i tōna wā.  I kati i te tau 1994 nā te kaha heke o ngā kararehe, hipi, huri noa i te rohe me te motu. Ko ētahi wāhanga kei te tū tonu, ara, The Works, he whare kai, he wāhanga tari hoki. 

He haika nunui kei te Wāpu, te tohu o te wāpu mahi. He whare kai kei ngā whare ika, whare wūru o mua.

Ka mutu tēnei ara ki te taha taone o te piriti o Gladstone i te rori matua o Tūranganui ara te rori o Gladstone. Ahakoa rā, he maha ngā ara ka hono atu mai i konei, ko ngā ara Oneroa me Ngā Wai Weherua. I hangaia te piriti o Gladstone i te tau 1925, tētahi o ngā piriti raima tino tawhito o Aotearoa. He ara i tāpirihia atu mo te hikoi me te eke paihikara i te tau 2018, ara e haumaru ai te haere ki te wāpu me te taone nui.

Ko te wāpu ake, he wāpu awa. Ko ōna hītori roa e whai pānga ki ngā āhuatanga o te taiao. He wāhi herenga waka whakangahau Te Karapu Hii Ika o Tatapouri. Kei te wāpu he wāhi herenga poti, he wāhi tuwhera ki te moana. Tata tonu ngā Kaitiaki Takutai ki tētahi wāhanga kua tino whakahoutia ko te wāpu tuku. 

Kua tino rerekē katoa tēnei wāhi ki ēra o ngā rā o mua i te taenga mai o te Pākehā. Hei tirohanga, pānuitia ngā wāhanga e pā ana ki ngā hītori o tēnei ara. Titirangi Cycle and Walkway.