Te Āhuatanga
HillyTe Tawhiti
VariousTe Hīkoi
Various
Haere i te ao rākau i te Tipunga Rākau o Arboretum i Ngātapa Link to Eastwoodhill Arboretum website
He hīkoinga pai mō te katoa kaha, tino kaha, tino kaha rawa atu mai i ngā ara papatahi tipua rākau kei ngā taha o te ara ki te pikinga poupou ki Maunga Arateitei ko te tirohanga ki te mahea te rangi, ko āhuatanga karakara, ko te kitenge huri noa. Ko te ngahuru me te koanga ngā wāhanga o te tau engari tau rawa atu i ngā wāhanga katoa o te tau. He maha ngā mahi whakangahau whakahaeretia ana ki kōnei i te tau.
He hīkoinga tino ātaahua ki te huri haere, ka tirotiro haere i ngā āhuatanga tino rerekē, tino whakahirahira. Ko ngā pānui whakamārama kei te ipurangi. Ka kitea ngā whakamārama mo ēnei ara hikoi i te ipurangi. I tēnei wā, he ara hikoi anake engari he ara eke paihikara kei te pā whakarua o te arboretum mā te ara kakariki, ko te wawata ka tutuki a te Raumati 2024 - 2025.
Ka taea e ngā manuhiri te tautoko i te Eastwoodhill Arboretum mā te tuku koha, hokohoko taonga i te toa, te hoko kai, te whakahoahoa rānei ki ngā Hoa o Eastwoodhill
Eastwoodhill has a comprehensive trail map available as a PDF download.
Te Hītori o Te Ara
He waka rākau te Eastwoodhill Arboretum, he wāhi whakamarumaru, haumaru i ngā rākau tata ngaro. Ko te mahi nui e pā ana ki te manaaki, akoako me te rangahau. Koinei te mahinga nui a William Douglas Cook i tau mai ki Tūranganui i te tau 1910, whai whenua 250 heketea i Ngātapa. I te tau 1965 i mua o te matenga o Cook, ka hokona e H.B. (Bill) Williams taua whenua, a, nō te tau 1970 ka whakatūngia te Arboretum. Ka whakataungia e ngā kaitiaki me ētahi o ngā mema ki te Paremata. I whakaaetia te Eastwoodhill Trust Act i te tau 1975 ka tū te Poari Kaitiaki.
E ai ki a Dave Hawea, te hiamana o Te Whanau a Kai: "Ko tētahi wāhanga o Eastwoodhill Arboretum kei te runga i te poraka whenua o Okahuatiu. Nō Ngati Hine ēnei whenua tētahi o ngā iwi o Te Whānau a Kai. Ko Te Whanau a Kai, ko Patutahi me Waituhi ngā rohe kei tuawhenua pā tata ki Matawai me te roto o Waikaremoana. He huarahi tūhono i takahia e ō mātou tīpuna ki te pā o Patutahi ki te rāwhiti ki Ngātapa ki kōatu. Hāngai ana tēnei ara ki Eastwood whai haere i te pae maunga ki muri o te arboretum. Ko te ingoa ko Arateitei i ēnei rā."
Paku Āwhina me ngā Āhuatanga
Kei 2392 Wharekopae Rd, Ngatapa. Te Eastwoodhill Arboretum
Te Utu ki te Kuhu -
Pākeke $15;
Neke atu i te 65s, $12;
Raro iho i te 14, $2;
Raro i te rua tau: kore utu;
Whānau (2 Pakeke, e 4 ngā tamariki raro i te 16), $28;
Tauira, $12 (kura tuarua,takiura me ngā tāutunga (ID)
Kāre e whakaaetia he Kuri, he mōkai ki konei.