Te Āhuatanga
HillyTe Tawhiti
1.2 kmTe Hīkoi
20-30 minutesTrack includes steps.
Kei te rori o Whangarā SH35, Te Tirohanga Rāhui o Te Ngahere o Ōkitū, 8 kiromita ki te rāwhiti o Tūranganui, te raki o te akau o Wainui. He tūnga waka kei te urunga atu ki tēnei ngahere rāhui, he maha hoki ngā tēpu pikiniki.
He hīkoinga ngāwari i te ngahere, ka whakawhiti i ngā piriti e toru, ā, tata ki te 20-30 meneti, ka tutuki tēnei hikoi. Ki te whai haere i tēnei ara, ka tae atu ki te tūāpapa tiro whakawaho ki te akau o Wainui me ngā hiwi karapoti. Ka whai tonu i taua ara, ko te pito o te tiriti o Sirrah te mutunga atu.
Iti noa ngā tipu taketake, engari kua rumakihia anō he tipu rau whānui me ngā pūriri. I ngā 20 tau tino whai tikanga ana te whakatō rākau taketake nō konei ake. Kua tīmata te hoki mai a ngā manu ki te ngahere rāhui. Ko ngā manu te kitea ko ngā kererū, pīwaiwaka, he tūī, he korimako he riroriro.
Trail fly-through
Te Hītori o Te Ara
I whakamanahia Te Tirohanga Rāhui o Te Ngahere o Ōkitū i te tau 1974, he whenua 2.66ha. I mōhiotia i taua wā ko “Lysnar’s Bush”, i tukuna kore utu ki te Karauna e Winifred Frances Lysnar. I rāhuitia te whenua whakamaumahara ki ana mātua, W.Douglas me Ada E Lysnar nā kainoho o taua whenua. I tēnei wā, kua tau ko ngā mema o Royal Forest and Bird Protection Society o Aotearoa o Tūranganui hei kaiwhakahaere, hei kaitiaki mo taua whenua rāhui.
I ngā tau kua pahure, ko ngā mema o taua rōpu ngā kaingaki i ngā tarutaru, rārauwhe, me te rumaki 3,500 tipu ki taua whenua i te tau 1988, nō muri mai ka riro i ma te Papa Atawhai e tiaki.
Paku Āwhina me ngā Āhuatanga
Hāngai tonu ki tēra taha o te rori mai i te tūnga waka i Te Tirohanga Rāhui o Te Ngahere o Ōkitū, ka taea te whai haere i tētahi atu ara ki te Kūrae o Makarori. Engari kia tūpato te whakawhiti i te rori SH35.
Ka taea hoki te whakatau hīkoi roa atu, mai i ngā urupā tohorā i te rāwhiti o te akau o Okitū. Hīkoi atu mai i reira, i te urupā, ki te tiriti o Sirrah ka tūhono atu ki te ara o te ngahere ki te mutunga o te rori. Hīkoia te ngahere rāhui, whakawhitia te rori SH35, ka tūhono ki te ara ki te Kūrae o Makarori. Mai i te kūrae, hīkoi whakararo ki te akau o Okitū.